Rusiye kontrolindeki Qırım Yuqarı mahkemesi 2018 senesi "Nord" Rusiye balıqçı gemisiniñ tutulmasında iştirak etken Ukrayina Devlet sıñır hızmetiniñ eki hadimine üküm çıqardı. Bunı RİA Novosti ve TASS haber ete.
Qayd etilgenine köre, ukrayin sıñırcıları gemini Berdânsk deñiz ticaret limanına alıp ketti.
Berilgen malümatqa köre, mabüsler gemi hırsızlavı ve insan hırsızlav maddelerine istinaden 17 yılğa üküm etildi.
Rusiye kütleviy haber vastaları mahküm etilgenlerniñ adlarını ve izaatlarını bildirmey.
2018 senesi martnıñ 25-nde Ukrayina Devlet sıñır hızmeti Azaq deñizinde Rusiye bayrağı altında "Nord" Keriç balıqçı gemisini tuttı. Qırım Muhtar Cumhuriyetiniñ prokuraturası "Nord" gemisiniñ Kıyiv tarafından qapalı olğan Keriç limanından çıqması boyunca cinaiy iş açtı, martnıñ 30-nda ukrain mahkemesi gemini tevqif etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
