İşğal etilgen Qırımda qalğan Rusiye Qara deñiz flotunıñ sayısı belli, lâkin bu gemiler ya azır degil, ya da tamir etilmekte. Bunı Ukrayina Arbiy deñiz quvetleriniñ spikeri Dmıtro Pletentçuk bildirdi.
"Bu raqam belli. Böyle obyektlerni birisi sayıp olamasın dep gizlemek pek qıyın. Lâkin arbiy taqımlardan olğan bu birlikler ya şimdi arbiy azırlıqta degil ve teren tamir etilmekte, buña biz de ara-sıra... ava ücümleri vastasınen "yañartmalarnı" kirsetemiz, ya da bu, yardımcı taqımlarğa ait olğan birliklerdir. Bu flotnıñ cenkleşmegen bölükleri, lâkin olar ciddiy bir telüke teşkil etmey", — dedi Pletentçuk ukrayin milliy tele marafonı efirinde.
O şunı da tasdıqladı ki, Aqyar körfezinde qalğan gemiler, Rusiye tarafından zarar körme ihtimalini eksiltmek içün, er vaqıt başqa yerge avuştırıla.
Bundan ğayrı, Rusiye geminiñ qurulışını Qırımda devam ete, amma, spikerniñ aytqanına köre, şimdilik "oña paalı silâ masraf etmek maqsadğa uymağan".
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
