Ukrayına Baş istihbarat idaresiniñ vekili Andriy Yusovnıñ aytqanına köre, Qırım yarımadasında olğan farqlı tedbirler «bir kerelik aktsiya» olaraq is etile edi. Şimdi ise Qırımdaki dinamika «pek yahşı», mahsus operatsiyalar ise daa intensiv oldı.
«Yaqında bir kerelik aktsiya olaraq körüngen şeyler – sistematik iş. Duşmannıñ infrastrukturası, logistik merkezlerine darbelerimiz, işğalci korpusnıñ ketirüv yolları, desant qonması ve mahsus bölüklerimizniñ istihbaratçı reydleri», – dep bildire Yusovnıñ aytqanlarını 24 kanal.
Bundan ğayrı, Baş istihbarat idaresiniñ vekili Ukrayına arbiyleriniñ areketleri neticesinde rusiyeliler yarımadadan qaçmağa ve Qara deñiz flotunı saqlamağa mecbur.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
