Link açıqlığı

Saatnıñ esas haberi

Qırımdaki mahkeme Vladislav Yesipenkonı martnıñ 18-nece tevqifli qaldırdı


Vladislav Yesipenkonıñ apayı Yekaterina, arhiv fotosı
Vladislav Yesipenkonıñ apayı Yekaterina, arhiv fotosı

Rusiyeniñ nezaretinde olğan Qırımnıñ Yuqarı mahkemesi Qırım.Aqiqat frilanseri (Azatlıq Radiosınıñ leyhası) Vladislav Yesipenkonı martnıñ 18-nece tefqifli qaldırdı. Bu malümatnı Qırım aqiqatqa Yesipenkonıñ apayı Yekaterina tasdıqladı.

Mahkemeci Alla Ovçinnikova mudafaa taarfınıñ Aqmescit rayon mahkemesiniñ 2021. senesi dekabrniñ 13 tarihlı qararına bergen istinaf şikâyetini red etti. O zaman mahkemeci Dlâver Berberov Yesipenkonıñ tevqif müddetini üç ayğa uzatqan edi.

2021 senesi dekabrniñ 21-nde Yesipenoknıñ davası boyunca mahkeme oturışı bir ayğa qaldırılğan edi.

Ukrainalı jurnalist, Qırım.Aqiqat közeticisi Vitaliy Portnikov yanvarnıñ 12-nde qayd etilgen Ukrain siyasiy mabüsi kününde Qırımda tevqif etilgen Qırım.Aqiqat frilanseri (Azatlıq Radiosınıñ leyhası) Vladislav Yesipenko aqqında hatırlattı.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

Vladislav Yesipenko davası

Vladislav Yesipenko – Azatlıq Radiosınıñ (Qırım.Aqiqat leyhası) ştattan tış jurnalisti (frilanser), içtimaiy ve ekologik meselelerni aydınlatqan, qırımlılarnıñ soravlarını çıqarğan edi. 2021 senesi martnıñ 10-nda Qırımda Rusiye FSBsiniñ hadimleri tarafından tutuldı. «Ukraina mahsus hızmetleriniñ menfaatları içün» malümat toplağanında ve maşinasında «elnen yapılğan patlayıcı cihaznı» saqlağanında qabaatlandı.

27 kün devamında Yesipenkonı mustaqil advokatlarnen körüştirmediler. Amma «Krım 24» Rusiye devlet telekanalı intervyüsını kösterdi: kanal saytında derc etilgen videoda Vladislav Yesipenko yarımadada Qırım.Aqiqat leyhası içün video çıqarğanını tasdıqlap, çıqarılğanlarnı Ukraina mahsus hızmetlerine de bergenini ayttı.

Mustaqil advokat kirsetilgen Aqmescitteki mahkeme oturışuvında Vladislav Yesipenko Rusiye mahsus hızmetleri tarafından oğratılğan işkence aqqında bildirdi. Anda Yesipenko tayin etilgen advokat Violetta Sineglazovadan vazgeçti. Mahkeme Yesipenkonı 2021 senesi mayısnıñ 11-ne qadar apiste qaldırdı.

Advokat Aleksey Ladinniñ aytqanına köre, Yesipenko mahkemede işkence aqqında aytqan soñ, Rusiye FSBsiniñ hadimleri «onı öldürirler», dep qorquzdı.

Ukraina tış istihbarat hızmeti Qırım.Aqiqatqa cevap berip, FSBniñ Vladislav Yesipenkonıñ Ukraina mahsus hızmetlerinen yapqan işbirligi aqqında "provokatsiyasını izaatlamay», dep bildirdi. Qırım Muhtar Cumhuriyetiniñ prokuraturası Qırımda Vladislav Yesipenkonıñ tutıp apiske alınmasınen bağlı cinaiy tahqiqat başlattı.

Rusiye quvetçileri Vladislav Yesipenkoğa qarşı tahqiqat tedbirleri aqqında resmiy malümat bermey.

Ukraina Tış işler nazirligi, Ukraina ombudsmanı, Avropa ve Halqara jurnalistler federatsiyası Vladislav Yesipenkonı acele azat etmege çağırdı.

Serbest Avropa Radiosı/Azatlıq Radiosınıñ prezidenti Jamie Fly Yesipenkonı acele azat etmege çağırıp, SAR/AR Qırımda tutulğan Qırım.Aqiqat frilanseri bildirgen işkencege açuvlana, dep bildirdi.

XS
SM
MD
LG