Rusiyeniñ nezareti astında olğan Aqmescit şeeriniñ Kiyev rayon mahkemesi qırımtatar Appaz Kurtametni "Qırım" göñülli batalyonına maliyeviy yardım köstergeni iddiası ile 7 yıl apis cezasına mahküm etti. Bunı aprelniñ 21-nde "Qırım esnası" uquq qoruyıcı leyhası haber etti.
"Aqmescit şeeriniñ Kiyev rayon mahkemesiniñ mahkemecisi Oksana Karçevskaya qırımtatar Appaz Kurtametke "Qırım" göñülli batalyonınıñ azası olğanı iddia etilgen bir kişige para yollağanı içün qarar çıqardı. Onı qabaatlı tanıdı ve 7 yıl apis cezasına mahküm etti. Birinci yılnı o sert rejim cezahanesinde keçirecek", - dep yazıla bildirmede.
Evel, Rusiyeniñ nezareti astında olğan Aqmescitniñ Kiyev rayon mahkemesiniñ prokurorı Appaz Kurtamet içün 10 yıl apis cezasını istedi, dep haber etilgen edi.
Rusiye kontrolindeki Qırım Yuqarı mahkemesi oktâbrniñ 24-nde Herson vilâyetiniñ sakini 20 yaşında qırımtatarı Appaz Kurtametni apiste qaldırdı, avgust ayında Qırımtatar Milliy Meclisiniñ reisi Refat Çubarov onı Rusiye Federatsiyasınıñ uquq qoruyıcıları tuttı, dep bildirgen edi.
Qırımtatar faali Elmaz Qırımlınıñ Facebookta yazğanına köre, Rusiye tahqiqatınıñ versiyasına köre, Kurtamet Appaznıñ daa soñra bilgenine köre, "Qırım" batalyonında hızmet etken bir dostuna 500 ğrıvnâ berdi.
Refat Çubarovnıñ malümatına köre, 2022 senesi iyülniñ 23-nde Kurtamet Herson vilâyeti Geniçesk rayonındaki Novooleksiyıvka qasabasından işğal etilgen Qırımğa, soylarına ketti. O, Qırım ve Herson vilâyetiniñ memuriy sıñırındaki Rusiye keçiş noqtasına keldi. Kurtametniñ soy-soplarınen bağı üzülmedi. Bundan soñ Rusiye uquq qoruyıcıları tarafından tutuldı.
Aq qorçalayıcılarnıñ malümatına köre, Ukrayinağa qarşı büyük istilâ başlağanından işğal etilgen topraqlarda Rusiye uquq qoruyıcıları Ukrayina vatanperverleri, göñülli, cemaat faalleri, jurnalist, ATO/Birleşken quvetler teşkilâtınıñ veteranlarını sıq-sıq hırsızlap başladı. Çoqusı işğal etilgen Qırımğa çıqarıla ve SİZOğa qapatıla.
Sentâbrniñ 2-nde Aqmescitteki Rusiye mahkemesi, Ukrayina aq qorçalayıcılarınıñ malümatına köre, Rusiye arbiyleri işğa altındaki Herson vilâyetinde hırsızlağan qırımtatarı Ayder Umerovnı 5 yıl sert rejimli koloniyada qalmasına üküm etti.
Oktâbrniñ 17-nde belli olğanına köre, Qırımdaki Rusiye mahkemesi qırımtatarı Artur Memetşayevni 6,5 yılğa üküm etti, «Qırımtatar resurs merkezi» işğal etilgen Geniçeskte hırsızlağanını bildirdi.
Berilgen malümatqa köre, bu yıl iyün ayında Rusiye işğal etken Melitopolde tutulğan Ukrayina göñüllisi Yaroslav Juk Aqmescit SİZOsında tutula, onı «halqara terrorizmde» qabaatlaylar.
Bundan evel Rusiye kontrolindeki Qırım Yuqarı mahkemesi Rusiye ordusı işğal etilgen Hersonda tutqan Ukrayına vatandaşı, ATO veteranı Pavlo Zaporojetsni SİZOda qaldırdı.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
