Link açıqlığı

Saatnıñ esas haberi

Qırımdaki mahkeme FSB yanında kütleviy «toplaşuv» içün cöreme aqqında qararnı lâğu etti – advokat


Nümüneviy resim
Nümüneviy resim

Rusiye nezaretinde olğan Qırımnıñ Yuqarı mahkemesi, sentâbrniñ 4-nde Aqmescitte FSB binası ögünde kütleviy "toplaşuv" içün Qırım sakini Kurtseit Abdullayevge 25 biñ ruble cöreme berilmesi qararını lâğu etti ve davanı ğayrıdan baqılmasını tayin etti.

Bunı "Qırım birdemligi" cemaat birleşmesi advokat Emil Kürbedinovğa atfı etip haber ete.

Advokat qayd etkeni kibi, başlanğıç mahkeme Abdullayev sentâbrniñ 4-nde kütleviy tedbirniñ iştirakçisi olğanını ve toplaşuv vaqtında saniatr qaidelerni bozğanını belgilegen. Advokatnıñ bildirgenine köre, mahkemelengen araba içinde oturıp, kütleviy toplaşuvda iştirak etmegen. Buña baqmadan OMON hadimleri onı araba içinden çıqarıp, yaqalağan.

Aynı zamanda, sentâbrniñ 14-nde oña dava materialları daa kelmegenini aytqanlar. Başqa kün aqqında haber etilmegen ve diñlevler onıñ iştiragi olmadan keçken.

"Onı, ava materialları kelmedi dep, aldattılar. O ketsen soñ ise onıñ iştirgi olmadan davanı baqtılar", - dedi Kürbedinov.

Rusiye polisi sentâbrniñ 4-nde Rusiye FSBsiniñ binası ögünde tutulğan qırımtatarlarğa qarşı 58 memuriy protokol tizdi.

Sentâbrniñ 3-4-nde Qırımda Rusiye quvetçileri tintüvler keçirip, beş insannı tuttı. Aralarında qırımtatar siyasetçisi ve faali Nariman Celâl bar. FSB malümatına köre, qırımtatarlar «bu yıl avgustnıñ 23-nde Qırımdaki gaz borusında diversiya yapqanları şübhesinen tutuldı. Rusiye müessisesi, tutulğanlar qabaatını itiraf etti, dep bildirdi». Bu malümatqa köre, «FSB tarqatqan sorğu videosında eki erkek kimden talimat alğanını ve Anğara köyünde gaz borusını nasıl patlatqanlarını tafsilâtlâca tarif etti».

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG