Kremlniñ nezaretinde olğan İslâm Terek rayon mahkemesi «Qırım birdemligi» koordinatorı ve cemaat imayecisi Mustafa Seydaliyevge qarşı Rusiye Memuriy uquq bozma qanunnamesiniñ 20.6.1 maddesine binaen qabaatlı tanıdı. Bunı Seydaliyev «Qırım birdemligi»ne haber etti.
Haber etilgenine köre, mahkemeci Georgiy Tsertsvadze faalni 1500 ruble para cezasına mahküm etken. Seydaliyevge qoltutmaq içün mahkeme oturışına 70 adam kelgen. Mhkemede onıñ menfaatlarını Osman Karaliyev, Ayder Suleymanov, Ernest Celilov, Ruslan Aciyev, Emin Rustemov cemaat imayecileri qorçalağan.
«Seydaliv piketke çıqtı, o anda bir özü edi, yüzünde de maska bar edi. Bir kişilik piket kütleviy tedbir degil. Aynı zamanda Qırımda bir çoq insannıñ iştiraganen, karantin sıñırlavlarına riayet etüvsiz tedbirler keçirile», – dedi Ayder Suleymanov.
Seydaliyevniñ imayecileri mahkeme qararını temyiz etecekler.
«Qırım birdemligi» koordinatorı ve cemaat imayecisi Mustafa Seydaliyevge qarşı Rusiye Memuriy uquq bozma qanunnamesiniñ 20.1.1 maddesine binaen memuriy protokol tizdiler.
Qırımnıñ Qarasuvbazar rayonında rusiye quvetçileri "Qırım birdemligi" teşebbüsiniñ koordinatorı Mustafa Seydaliyevniñ qayd etilgen yerine keldi.
Rusiye quvetçileri qırımtatar faalleri Aziz Karahalilov ve Arsen Yakubov, “Qırım birdemligi” cemaat birleşmesiniñ koordinatorı Mustafa Seydaliyev ve mühbiri Emin Rustemovnı ziyaret etip, olarğa “Qırım Cumhuriyetinde yüksek azırlıq vaziyeti” rejiminiñ tayin etilmesi sebebinden mitingler keçirilmesiniñ ve ziyaret etilmesiniñ yasaq etilmesi aqqında tenbi vesiqasını berdiler.
