Rusiyeniñ nezaretinde olğan Qırımnıñ Yuqarı mahkemesi içtimaiy ağlarda "natsist atributikası ve timsalleriniñ propagandası" ile qabaatlanğan qırımtatar aq qoruyıcı Abdureşit Cepparovnıñ memuriy tevqifine advokatnıñ şikâyetini red etti. Bunı "Qırım birdemligi" cemaat birleşmesine advokat Marlen Halikov haber etti.
"Umumen mahkeme esnası er vaqıt kibi keçti. Mahkemeci tafsilâtlarnı ertaraflı baqıp çıqmadı. Men Ayder Azamatovnıñ istinafına qoltuttım. Bu davağa dair noqta-i nazarımnı bildirdim. Amma mahkemeci mahkeme qararını quvette qaldırdı ve istinaf şikâyetini red etti", - dep aytıp berdi Halikov.
Cepparovnı özüni mahkemege ketirmediler.
"O (Cepparov – QA), natsist propagandası tarqalmasınıñ qabul etilmezligi ve Facebook içtimaiy ağında yerleştirgen yazısınıñ böyle bir maqsadınıñ olmağanı aqqında fikirlerini bildirmege planlaştırğan edi", - dedi Halikov.
O, nasist təbliğatı ideyasının yayılmasının yolverilməzliyi və Facebook sosial şəbəkəsində yerləşdirdiyi nəşrin belə bir məqsədinin olmadığı barədə fikirlərini bildirməyi planlaşdırıb.
Martnıñ 16-nda saba Rusiye uquq qoruyıcıları Qarasuvbazarda aq qorçalayıcı, qırımtatar areketiniñ veteranı Abdureşit Cepparovnıñ evinde tintüv keçirdi. Cepparovğa advokatlar kirsetilmedi. Tintüvden soñ Rusiye uquq qoruyıcıları Cepparovnı Qarasuvbazar rayon polis bölügine alıp ketti. Rusiye uquq qoruyıcıları tintüv ve sebepleri aqqında resmiy şekilde bildirmey.
Qırımtatar faalleriniñ bildirgenine köre, martnıñ 16-nda saba aq qorçalayıcı Abdureşit Cepparovnıñ evinde keçirilgen tintüv vaqtında tutulğan qırımtatarlar Muhammed Ali Cepparov ve Fevzi Yakubovnıñ bulunğan yeri belli degil edi. Soñra belli olğanına köre, olar Qarasuvbazar rayon bölüginde buluna. Advokat Emil Kurbedinov olarğa uquqiy mesleat yapması içün kirsetilmedi.
Ukraina Tış işler nazirligi ve Ukraina prezidentiniñ Qırım Muhtar Cumhuriyetindeki temsilciligi üç qırımtatarını azat etmege çağırdı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3enufiq6nhnir.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
