Rusiyeniñ nezareti astında olğan Qırım Yuqarı mahkemesi Aqmescitte arbiy komissarlıqta yanğın çıqarğanı ve demiryolnı patlatmağa tırışqanı ile qabaatlanğan Pionerskoye sakinini 10 yıl apis cezasına mahküm etti. Bunı Rusiye ve Qırım mediaları mahkemeniñ matbuat hızmetine atfı etip bildire.
O, RF Ceza Qanunnamesiniñ 222.1 maddesiniñ 1-nci qısmı (patlayıcı madde ya da patlayıcı cihazlarnı qanunsız satın aluv, berüv, satuv, saqlav, taşuv, yollav ya da yanında taşuv), 30 maddesiniñ 1 qısmı (cinayetke azırlıq) ve 281 maddesiniñ 1-nci qısmı (diversiya) ile qabaatnı tanıldı.
"Qırım Cumhuriyetiniñ Yuqarı mahkemesiniñ ükmü ile suçlu 10 yıl apis cezasına ve 70 biñ para cezasına mahküm etile. Birinci üç yılnı apishanece keçirecek, qalğan müddetni ise sert rejimli tüzetüv cezahanesinde", - dep yazıla bildirmede.
Mahküm etilgen kişiniñ adı ve soyadı belli degil, onıñ izaatları da yoq.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
