Qırımda aprelniñ 17-nde yağmur yağacaq, yağmur yağması tek Aqyarda beklenilmey. Bu aqta yarımadanıñ gidromettsentri bildire.
Sinoptiklerniñ malümatına köre, Aqmescitte bulutlı ava ara-sıra açılacaq. Gece yağanaqlar olmaycaq; kündüz bazı yerlerde yağmur sepeleycek. Şimaliy-şarqiy yel süratı saniyede 7-12 metr olacaq. Ava arareti kündüz +11…+13 derece olacaq.
Aqyarda ise az bulutlı ava olacaq. Yağanaqlar beklenilmey. Şimaliy-ğarbiy yel süratı saniyede 6-11 metr olacaq. Kündüz +11…+13 derece sıcaq olacaq.
Qırımnıñ cenübiy yalısında bulutlı ava açılacaq. Gece yağanaqlar olmaycaq; kündüz ara-sıra yağmur sepeleycek. Şimaliy-şarqiy yel süratı saniyede 7-12 metr olacaq. Ava arareti kündüz +12…+14 derece olacaq.
Tahminlerge köre, Keriçte az bulutlı ava olacaq. Yağanaqlar beklenilmey, aqşam yağmur yağacaq. Gece şimaliy yel süratı saniyede 5 metr, saba ve kündüz saniyede 9-14 metr, aqşam şimaliy-şarqiy yel saniyede 10-15 metr olacaq. Kündüz ava arareti +12…+14 derece olacaq.
