Cumaertesi künü, iyünniñ 20-nde, işğal etilgen Qırımda soñki dört künde ekinci küçlü sağanaq yağdı ve afat oldı.
Yağmur bir saat yağdı, dep haber ete Qırım.Aqiqat mühbiri.
Qayd etilgenine köre, suv bir çoq soqaqnıñ yol qısmına köşeli çaqıl, topraq ve kireçtaş alıp ketti, amma yaramay avağa baqmadan, tıqanıqlıqlar olmadı.
Hatırlatamız, Aqyardaki Rusiye Fevqulâde vaziyetler nazirliginiñ idaresi iyünniñ 20-nde gecege yaqın ava bozulacaq, dep tenbiley.
Qırımda iyünniñ 20-nde ve 21-nde de ava bozulacaq, dep tahmin etile.
Bu afta Kezlevde furtunalı ava neticesinde esli-başlı qadın öz evinde blok etildi.
Çarşenbe künü, iyünniñ 16-nda, Aqmescitte boranlı yağmur yağdı, şeerniñ bir qısmını suv bastı. Aqyarda iyünniñ 18-nde künniñ yarısında küçlü sağanaq yağdı.
Kanalizatsiya işini yapamadı, suv aqımları deñzge ketti, çamur cayav keçitlerini qapattı.
