Dekabr 19-da Aqmescit (Simferopol) - Ermeni Bazar (Armânsk) yolunda “Ural” rusiye arbiy yük maşnası çevirildi. Bu aqta VKontakte içtimaiy ağındaki “AvtopartnörTsentr” gruppasında haber etile.
Gruppada derc etilgen videoda, maşna yol kenarına çevirilgeni körüne, yanında başqa üç arbiy yük maşnası tura edi.
Rusiye Qara deñiz flotunıñ matbuat hızmetinde, “Ural” yol buzu olğanından sebep avdarılğanını “Krıminform”ğa bildirdi, zararlanğanlar yoq.
2014 senesi Qırım ilhaqından soñ yarımadada sürekli arbiy örgenmeler keçirile. Ukraina Baş Ştabında, rusiye arbiylerniñ Qırımdaki areketlerini qanunsız tanıy.
