Qırımda oktâbr 17-sinde saba Aqmeçit - Kezlev (Çernomorkoye - Yevpatoriya) yolunda qazada bir adam elâk oldı, daa dörtü yaralandı.
"VAZ-20124 maşnasınıñ aydavcısı Kezlevden Aqmeçit tarafında kete edi. Belli olmağan sebepten o, qarşı yolaqqa çıqıp, VAZ-21150 maşnasınen çatıştı", - dep aytıp berdiler "Krıminform"ğa Qırım Devlet avtomobil teftişi (DAT).
Yaralanğan adamlarnı hastahanege qoydılar, dep bildirile.
Oktâbr 12-sinde "Tavrida" trassasında üç maşna çatıştı. Qazada bir qadın elâk oldı, dört adamnı hastahanege qoydılar.
Qurtarıcılar Qırımda ciddiy yol qazalarınıñ sayısı arttı, dep bildirgen edi. Qırımda 2019 senesiniñ ilk üç ayında keçken senege baqqanda bir buçuq qat ziyade aydavcı mesüliyetke çekildi.
