Link açıqlığı

Saatnıñ esas haberi

Qırımda yol qazaları: bir aftada dört adam elâk oldı, 18-ni qurtarıp oldılar - qurtarıcılar


Körgezmeli süret

Keçken afta Qırımda yol qazalarında 4 adam elâk oldı; 18 adamnı, olardan 4-ü - bala, qurtarıp oldılar. Qırım qurtarıcıları belgilengen müddette umumen 18 kere yol qazalarında yardım etmek içün celp etildi, dep bildire Rusiye FVN-niñ Qırım idaresi.

"Bundan ğayrı, esabat müddeti devamında 169 yanğın söndürildi. Dağ-ormanda 5 qıdıruv-qurtaruv operatsiyası keçirildi", - dep bildirde Qırım FVN-niñ başı Sergey Şahov.

Suvdan 11 qaza oldı, olarda 9 adam qurtarıldı, 3-ü elâk oldı, dep qoştı Şahov.

Qırım qurtarıcılarınıñ bildirgenine köre, Qırımda ciddiy yol qazalarınıñ sayısı arttı. Qırımda 2019 senesiniñ birinci üç ayında keçken yılğa baqqanda bir buçuq qat ziyade aydavcı mesüliyetke çekildi.

XS
SM
MD
LG