İyülniñ 12-sinde Qırımda 7 COVID-19 adisesi qayd etildi, bunı Qırımnıñ rusiyeli başı Sergey Aksönov haber etti.
"Olardan dörtü adamlar tibbiy yardımğa muracaat etkende qayd etildi ve üçü - sağlam şahışlarnıñ skriningi vaqtında tasdıqlandı", - yazdı o "Vkontakte" içtimaiy ağında.
Umumen, onıñ malümatına köre, Qırımda 878 yañı koronavirus infektsiyası qayd etildi. Olardan 53-ü - çetelden, 100-ü - Rusiyeden ketirildi, 12 adam koronavirustan vefat etti. Aqyarda, yerli akimiyetiniñ soñki malümatına köre, koronavirusnen 271 adam hastalandı, 210 adam yahşı oldı, 5 adam vefat etti.
Daa evel 2019-nCoV olaraq belli SARS-CoV-2 koronavirusı Qıtayda keçken yılnıñ soñunda qayd etildi.
O, COVID-19 hastalığınıñ sebebi oldı. Hastalıq yengil keçe bile, bazı insanlarda suvuqlanuv ve gripp alâmetleri, yüksek sıcaq ve öksürüv körüne bile. Bu ölüm sebebi ola bilgen pnevmoniyağa keçmesi mümkün. Hastalarnıñ ekseriyeti tüzele; çoqusı allarda immunitet sisteması zayıf olğan insanlar, hususan qartlar vefat ete.
2020 senesi martnıñ 11-nde Dünya sağlıq teşkilâtı yañı koronavirus sebebinden başlağan hastalıq qırğınlığını pandemiya olaraq tanıdı.
