Link açıqlığı

Saatnıñ esas haberi

Qırımda yaznıñ soñki aftası salqın olacaq - sinoptikler


İlhaq etilgen Qırımda yaznıñ soñki aftasında ava arareti 5-6 derecege aşağı tüşecek, Qara ve Azaq deñizleriniñ arareti ise olğanı kibi qalacaq. Bunı Qırım gidrometmerkezi bildirdi.

"Yağanaqlar olmaycaq, amma ava arareti aşağı tüşecek. Şimdi cumhuriyette ava arareti +36...+36 derecede olsa, kelecek afta o, 5-6 derecege aşağı tüşecek – +27...+32 derecege qadar", – yaza sinoptiklerniñ bildirüvini RİA-Qırım.

Bazarertesi ve salı künleri kündüz Qırımda sıcaq olacaq – +30...+35 derece, gece ise – yarımadanıñ şimaliy ve merkeziy qısımlarında +17...+22, yalı boyunda +23...+28 derece.

Avgust 28 ve 29-ında kündüz eñ yüksek ava arareti +27...+32 derece olacaq, gece ise – +14...+19 derece. Avgustnıñ soñki eki kününde kündüz +23...+28 derecede sıcaq olacaq, gece ise – +11...+26.

Sinoptikler, suv arareti deñişmeycek, dep bildire.

XS
SM
MD
LG