Yarımadada iyünniñ 19-20 furtuna telükesi ilân etildi. Bunı Qırım boyunca Rusiye FVN matbuat hızmeti bildirdi.
Berilgen malümatqa köre, iyünniñ 19-nda aqşam ve kün bitkence ve iyünniñ 20-nde künniñ birinci yarısında Qırımda bazı yerlerde şiddeti boranlı yağmur beklenile.
Hatırlatamız, evel iyünniñ 18-ne furtuna telükesi ilân etilgen edi.
Yaltada tufan neticesinde 18 insan yararalandı, 1 erkek öldi ve 1 qadın bellisiz ğayıp oldı.
İyünniñ 18-ne keçken gece, bol yağğan yağmurlar neticesinde Büyük Yaltanı suv bastı, şeerde cayav keçitleri suv astında qaldı. Yerli memurlar cemaat naqliyatınıñ qtanamasını toqtattı. Yaltada fevqulâde vaziyet ilân etildi, şeerge kiriş yeri qapalı.
Sağanaqlardan ve şeerniñ suv basqan soñ 80 transformator stantsiyası ve eki elektrik naqil hattısı elektriksiz qaldı. Krımenergonıñ haber etkenine köre, episi olıp 2700 istimalcı ışıqsız qalğan. Bundan ğayrı yerli memurlar bölgede suvnıñ kesilmesi aqqında qarar aldı ve şeer sakinlerini suv alıp qoymağa çağırdı.
Evel, Qırımnıñ Gidrometeorologik merkezinde haber etkenlerine köre, cumaaqşası gecesi yarımadanıñ şarqiy rayonlarında yağanaqlarnıñ aman-aman eki aylıq qararı yağğan.
