İşğal etilgen Qırımda yaqalanğan advokat Aleksey Ladinge 14 künlük tevqif ve 45 biñ ruble para cezası tayin etildi, dep bildirdi advokat Emil Kurbedinov.
"Aqmescitniñ Kiyev rayon mahkemesi eki memuriy maddege binaen qarar çıqardı. Birincisine köre 45 biñ ruble para cezası, sebep Rusiye ordusını itibardan tüşürüv. Ladin Facebookta birisiniñ yazısını paylaşqan edi", - dep añlattı Kurbedinov.
Ekinci qarar "ekstremist timsallerni darqatuv" maddesi ile çıqarıldı.
"Bu "Qırımtatarlar terroristler degil" plakatıdır. Resimde tamğa ve trezub tasvir etilgen. Mütehassı bunı Noman Çelebicihan batalyonınıñ resmi olaraq esapladı. Bunıñ içün 14 kün tevqif", - dep qoştı advokat.
Ladin qabaatını tanımay, onıñ mudafaası Rusiye mahkemesiniñ qararlarını temyiz etecek ola.
Ladin, "Hizb ut-Tahrir" teşkilâtına alâqası olğanında qabaatlanğan qırımtatarlarnıñ bir çoq mahkeme davasında iştirak etti. Büyük cenkniñ başlamasında soñ ukrayin arbiy esirlerini ve tutıp esir etilgen vatandaşlarnı imaye etti.
Al-azırda, o, Rusiye Melitopolde tutıp esir etken ukrayin göñüllisi Yaroslav Juknı imaye ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
