Rusiyeniñ eki tankeriniñ qazası neticesinde aqıp çıqqan mazutnıñ yañı atıqları Rusiyeniñ Krasnodar ülkesi ve ilhaq etilgen Qırım yalısındaki 15 yerde qayd etildi. Bunı TASS agentligi Rusiye Fevqulâde vaziyetler nazirligine atıf etip bildire.
"15 iş alanında neft mahsulatlarınıñ fraktsiyalarınıñ noqta atıqları qayd etildi", — dep aytıla haberde.
Berilgen malümatqa köre, bütün vaqıt içinde 355 km deñiz yalısı temizlendi. Umumen tahminen 180 biñ tonna kirlenilgen topraq toplandı. Qara deñizde 7,5 biñ kvadrat km kirlenüv teşkerildi .
Qırım.Aqiqatnıñ bildirgenine köre, keçken sene dekabrniñ 15-nde Keriç boğazında, esas versiyağa köre, qasırğa sebebinden, mazut ile eki "Volgoneft" tankeri qazağa oğradı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.
