İlhaq etilgen Qırımda ve Volgograd vilâyetinde yanğın telükesi artqanı içün, Rusiye Cenüp arbiy okrugnıñ yanğıncılar taqımlarını yüksek seviyeli azırlıq rejimine keçirdiler.
Bu aqta Rusiye Mudafaa Nazirliginiñ saytında bildirile.
Müessise malümatına köre, 10 biñ asker ve arbiy tehnika azır.
Qırım Gidromettsentrniñ malümatına köre, iyün 4-ünece yarımadada yüksek yanğın telükesi ilân etilgen. Yerli qurtarıcılar, bu arada ateş yaqmaq, manğal qullanmaq yasaq olğanını hatırlata ve ormanlıqta telükesizlik qaidelerine uymağa çağırta.
