Qırımda oktâbrniñ 6-ndan Yalta qobası qapatıldı, dep haber ete RİA Novosti. Turist aqınınıñ azlaşması ve tamir işler keçirilmesi içün ziyaret içün qapatılğanı iddia etile.
"Bu turist aqınınıñ azlaşması sebebinden ananeviy mevsimiy qapaluvdır. Şimdi qobada yañı turistik mevsim içün tamir işler yapılacaq", - dep yazıla bildirmede.
Qoba ziyaret içün mayısnıñ soñunace qapalı olacaq.
Yalta qobası Ay-Petri platosındaki qobadır. O 1997 senesi açıldı. On yıldan soñ Yalta qobasında ekskursiya marşrutı peyda oldı.
Evel Bağçasaraydaki miniatür parkında Azatlıq eykeliniñ kopiyası sökülgeni aqqında haber etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
