Qırımda çarşenbe künü, oktâbrniñ 30-ında yağmur yağacaq. Bunı yarımadanıñ Gidromettsentri haber ete.
Bu malümatqa köre, Aqmescitte qısqa vaqıt yağmur yağacaq. Gece ğarbiy yel, kündüz cenüp-ğarbiy yel saniyede 7-12 metr. Ava arareti kündüz 9…11º olacaq.
Aqyarda saba ve kündüz yağmur. Gece ğarbiy yel 6-11 m/s, kündüz şimal-ğarbiy yel saniyede 10-15 metr olacaq. Ava arareti kündüz 9…11º olacaq.
Qırımnıñ cenübiy yalısında qısqa vaqıt yağmur yağacaq. Gece şimal-ğarbiy yel saniyede 7-12 metr, kündüz bazıda saniyede 15 metrge qadar esecek. Ava arareti kündüz 10…12º olacaq.
Keriçte qısqa vaqıt yağmur yağacaq. Gece şimal-ğarbiy, kündüz cenübiy yel saniyede 12-15 metr olacaq. Kündüz ava arareti 12…14° olacaq.
Daa evel, sinoptikler, Qırımda oktâbr 30-ından soñ ava bozulacağını haber etken ediler: yel, yağmur, dağlarda - sılaq qar.
