Dekabr 8-inde yarımdada yağmurlı avanı tahmin eteler, Şarqiy Qırımda ise yağanaqlarsız.
Bunı Qırım gidrometeomerkezi bildire.
Sinoptiklerniñ tahminlerine köre, Aqmescitte deñişici bulutlılıq, gece yağmursız, kündüz bazı yerlerde yağmurlar. Şimaliy yel saniyede 7-12 metr. Ava arareti kündüz +8…+10º.
Aqyarda kündüz yağanaqlar olacaq. Gece cenübiy, kündüz şimal-ğarqiy yel saniyede 7-12 metr. Ava arareti gece kündüz +9…+11°.
Qırımnıñ cenübiy yalısında gece yağmursız ava, kündüz ise bazı yerlerde yağacaq. Cenüp-şarqiy yel saniyede 7-12 metr. Ava arareti kündüz +9…+11°.
Keriçte deñişici bulutlılıq, yağanaqlarsız. Şimaliy yel saniyede 3-8 metr. Ava arareti kündüz +6…+8°.
