Fevral 21-isinde, cumaaqşamı künü, sinoptikler, Qırımda 20 m/s-ge qadar şiddetli yel olacağını tahmin ete. Bu aqta yarımadanıñ gidrometmerkezi bildirdi.
Sinoptiklerniñ tahminlerine köre, Aqmescitte (Simferopol) yağanaqlarsız. Şimal-ğarbiy yel 7-12 m/s, kimerde 17 m/s-ge qadar köterilip üfürecek. Ava arareti gece +1…+3°, kündüz+6…+8° olacaq.
Bildirilgenine köre, Aqyarda (Sevastopol) da yağanaqlarsız. Yel gece 6-11 m/s, kündüz 10-15 m/s.. Ava arareti gece +4…+6°,kündüz +6…+8º.
Qırımnıñ şimalinde yağanaqlarsız. Yel 7-12 m/s, bazı yerlerde 15-20 m/s-ge qadar. Ava arareti gece +2…+4°, kündüz +7…+9°.
Keriçte kündüz küçük yağmur. Gece şarq-ğarbiy yel 12-17 m/s. Ava arareti gece +2…+4°, kündüz +7…+9°.
