Yarımadada noyabr 1-inden başlap suv tarifleri deñişecek, dep bildirile "Voda Krıma" saytında.
"01.11.2019 senesinden itibaren, Bağçasaray, Aqşeyh (Razdolnoye), Canköy, İslâm Terek (Kirovskiy) rayonlarında ve Kere (Feodosiya) şeerinde yaşağan abonentler içün suv tarifleri deñişecek", - haber ettiler müessisede.
Şirketniñ matbuat hızmetiniñ malümatına köre, adamlarğa qolay olsun dep, abonentler hımeti raatlıq künlerde de çalışacaq.
Tarif deñişmelerniñ tafsilâtlı cedvelinen "Voda Krıma" saytında tanışmaq mümkün.
