Qırımda yañı Mağrip sarınçası ocağını taptılar. Rusiye ilhaq etken Qırım boyunca Rosselhozmerkeziniñ bölügi bildirgeni kibi, "havflı sürü ziyankârını" Qarasuvbazar rayonında taptılar.
Daa evel Qırımnıñ Canköy ve Curçı rayonlarında sarınça basması aqqında bildirile edi. Rosselhozmerkezinde, bu -bu böcek ile ilk rastkeliş olğanını qayd ettiler.
"Umumen Qarasuvbazar rayonında 22 gektar topraq teşkerildi, şu cümleden - 5 gektarlıq yüzümlik. Bir metr kvadratqa orta miqdarda 37,5 Mağrip sarınçası, eñ çoqu - 60 qurtçıq tapıldı", - denile beyanatta.
Müessisede, Qırımda 225 gektar topraqnı teşkerdiler ve 19 gektarda sarınçanı taptılar, dep bildireler.
Sarınçanıñ bu çeşitiniñ tarqalmasına yol bermemek içün, mütehassıslar daima tarlalarnı teşkerip turmağa tevsiye ete, eger sarınça tapılsa, memurlarğa bildirip, topraqnı ilâclamaq kerek.
2017 senesi iyül ayında Qırımnıñ rusiyeli Köy hocalığı nazirliginde, yarımadada Asiya sarınçasını kütleviy basması telükesi bar olğanını bildire ediler. O vaqıt ziyankâr İçki, Canköy ve Krasnoperekopsk ryonlarında tapılğan edi.
