2026 senesiniñ başından berli işğal etilgen Qırımda Rusiye quvetçileri tarafından keçirilgen yedi tintüv qayd etildi. Olardan ekisi Qırımtatarlarda, dep aytıla Qırımtatar Resurs Merkeziniñ malümatında.
QRM-niñ talillerine köre, tintüvler 2026 senesi Qara qış-Saban ayları devamında Qırım yarımadasınıñ farqlı meskün yerlerinde keçirilgen
Qara qış ayında Rusiye quvetçileri Aqyar ve Aqmescitniñ 19 yaşındaki eki sakininiñ evinde tintüv keçirdi. QRM-de olğan malümatqa köre, olarğa qarşı "terrorizm" maddeleri boyunca cinaiy işler açıldı.
Kiçik ayda Galina Prıvalovanıñ, Anna Moroznıñ, Nariman Seytaliyevniñ ve Yunus Suleymanovnıñ evlerinde tintüvler keçirildi.
Saban ayında quvetçiler 1971 senesi doğma Alupkalınıñ evinde tintüv keçirdiler, o, terrorizmge açıq çağıruvlarda qabaatlandı.
2025 senesiniñ aynı müddetinde 13 (Qırımtatarlarğa nisbeten 7), 2024 senesi ise 33 (Qırımtatarlarğa nisbeten 28) böyle adise qayd etilgen edi.
Rusiye akimiyeti bu statistikağa daa cevap bermedi.
Bundan evel Qırımtatar resurs merkezi Qırımda insan aqlarınıñ bozuluvı aqqında 2025 senesiniñ esabatını derc etken edi, oña köre, işğal etilgen yarımadada bir yıl devamında 244 apiske aluv qayd etildi, olardan 90 - Qırımtatarlarğa nisbeten. Bundan ğayrı, 40 tintüv, 159 yaqalanuv, 158 sorğu, sorav ve "subet" qayd etildi.