Qırımda yılnıñ başından berli 84 suv qazası oldı, 58 adam elâk oldı, Bunısentâbr 20-sinde Rusiye Fevqulâde Vaziyetler Nazirliginiñ (FVN) Qırım idaresi.
Beyanatqa köre, qurtarıcılar er kün Yalı Moynaq (Zaozörnoye, Kezlev) qasabasınıñ, Otar Moynaq (Uyutnoye) ve Terekli Qoñrat (Moloçnoye) köy şuralarınıñ yalısınıñ közetüvini yapa, ve Saq rayonınıñ Terekli Qoñrat köyünde suv havfsızlığını temin etmek içün, muvaqqat qurtarıcılar noqtası çalışa.
Bundan ğayrı, qurtarıcılar, er kün ealinen tenbiyelev subetlerini keçirgenlerini bildireler.
Daa evel bildirile edi ki, Qırımnıñ Yedi Quyu (Leninskiy) rayonınıñ Aq Manay (Kamenskoye) köyü yanında, sentâbr 7-sinde ğayıp olğan, aqaynıñ cesedi tapılğan.
Sentâbr 10-unda Keriçte 15 yaşındaki ösmür yuvunğanda, onı aqıntı deñizge alıp ketti.
