Çarşenbe künü Aqmescit civarındaki yolda avtobus ile olğan yol qazası neticesinde üç insan reanimatsiyada buluna, dep bildire TASS felâket tibbiyeti regional merkeziniñ malümatına esaslanıp.
«Üç kişiniñ alı ağır, olar reanimatsiyada. Biriniñ alı orta ağır, biriniñ – hafif», – denile.
Daa evel haber etilgeni kibi, Aqmescit civarında avtobus ve yengil maşinanıñ yol qazası neticesinde bir kişi elâk oldı ve beş insan yaralandı. Avtobus Saq-Aqmescit yolunda kete edi. Yol qazasınıñ sebepleri daa belli degil.
Noyabrniñ 13-nde yük maşinası Keriçteki qızdıruv hattını bozğan edi, 22 biñ insan qızdıruvsız qaldı.
