Qırımda mayısnıñ 29-na qadar devam etecek yüksek yanğın telükesi aqqında tenbileyler. Bu aqta Qırımnıñ Rusiye Fevqulâde vaziyetler nazirliginiñ matbuat hızmeti bildire.
Müessise, bu müddet devamında riayet etilecek bir sıra sıñırlav aqqında hatırlata. Orman ziyaretleri yasaqlana, naqliyatnıñ ormanlarğa kirişleri sıñırlana, şahsiy evlerniñ yanı, bağça ve bostan ortaqlığında ateş yaqması yasaqlana, çöplük, ot, yapraq ve diger qalımtılarnıñ yaqıluvı yasaqlana. Köy hocalıq topraqlarında quru ösümliklerniñ yaqılması yasaqlana.
Bu yasaqlarnıñ bozuluvı içün 2 biñden 400 biñ rublege qadar para cezası berile bile.
Bundan evel Qırımda yüksek yanğın telükesi mayısnıñ 25-nden evel ilân etilgen edi.
Qurtarıcılar Qırımda açıq yerlerde quru ösümliklerniñ yanması sıqlaştı, dep bildirgen edi. Qırımda tabiat yanğınlarınıñ sayısı beş qat arttı.
