“Veciye Kaşka davası”nıñ iştirakçileri - qırımtatar faalleri Asan Çapuhnıñ ve Ruslan Trubaçnıñ imayesi, Qırımda Rusiye mahkemesiniñ ükmüni temyiz etti. Mahkeme qararına apellâtsiya berilgenini Çapuhnıñ advokatı Ayder Azamatov bildirdi.
Haber etilgenine köre, apellâtsiya şikâyeti, Kreml nezaretindeki Qırım Yuqarı Şurasınıñ cinaiy davalar boyunca mahkeme kollegiyasına berildi. Şikâyet aprelniñ 26-sında qabul etildi.
Qırım.Aqiqat bilgeni kibi, Ruslan Trubaçnıñ ümküne köre de şikâyet berildi. Bu davanıñ qalğan iştirakçileri - Bekir Degermenci ve Kazim Ametov - boyunca apellâtsiya azırlanıla.
Aprelniñ 17-sinde Rusiye kontrolindeki Aqmescitniñ Kiyev rayon mahkemesi para talap etkenlerinde qabaatlanğan «Veciye Kaşka davasınıñ» mabüslerine üküm çıqardı. Ruslan Trubaç,Bekir Degermenci ve Kazim Ametov 3 yıl sınav müddeti ile 3 yılğa şartlı olaraq üküm etildi. Asan Çapuh 3 yıl sınav müddeti ile 3,5 yılğa şartlı olaraq üküm etildi,
Üküm istinafı baqılğanına qadar mabüsler ev apsinde bulunacaq.
Aynı vaqıtta, bundan evel Bekir Degermenci, Asan Çapuh, Kazim Ametov ve Ruslan Trubaç qabaatlarını tanımağan edi.
