Qırımda ve Rusiyede apishanelerde 127 ukarin siyasiy mabüsi tutula, dep haber ete uquq qoruyıcılar. Bu sentâbrniñ 7-si itibarınen olğan malümat.
Uquq qoruyıcılarnıñ bildirgenine köre, 38 siyasiy mabüs Qırımda ve 89 Rusiyede tutula.
2019 senesi sentâbr ayında Ukraina ve Rusiye arasında olıp keçken büyük deñişüvden soñ eñ azından daa 45 insan qanunsız şekilde azatlıqtan marum etildi.
Kreml siyasiy mabüsleriniñ aqrabalarınıñ birleşmesi siyasiy mabüsleriniñ cedvelini Facebook-ta yayınladı.
Cedvelni 8 uquq qoruyıcı teşkilât tizdi: Kreml siyasiy mabüsleriniñ aqrabalarınıñ birleşmesi, Qırım uquq qoruyıcı gruppası, ZMINA İnsan aqları merkezi, İnsan aqları içün media teşebbüsi, İnsan aqları Ukraina Helsinki birleşmesi, Vatandaş serbestlikleri merkezi, QırımSOS, Siyasiy mabüslerni azat etüv platforması.
Ukraina prezidenti Volodımır Zelenskıy, Kreml ukrain siyasiy mabüsleriniñ, olarnıñ arasında Qırım sakinleri de, Rusiye esirinden azat etilmesine "mania" olğanını bildirdi.
