Link açıqlığı

Saatnıñ esas haberi

Qırımda ve Aqyarda aman-aman 700 tonna mazutnen kirlenilgen qum ve topraq toplandı — RF FVN


İlhaq etilgen Qırım ve Aqyarda Keriç boğazında tankerlerniñ felâketi neticesinde kirlengen aman-aman 700 tonna qum ve topraq toplandı, dep bildirdi Rusiye Fevqulâde vaziyetler nazirligi.

Berilgen malümatqa köre, Qırımda Keriçten Portovoye köyüne qadar Qırım yalısınıñ 525 kilometrden ziyade qısmı teşkerildi ve 482 tonna kirli qum ve topraq toplandı.

"Aqyardaki Laspi ve Andreyevka qasabaları arasındaki 165 kilometrlik yalı kenarını tedqiq eteler. 212 tonnadan ziyade kirli qum ve topraq toplanıp çıqarıldı", — dep qoştılar haberde.

Rusiye Fevqulâde vaziyetler nazirliginde bildirdiler ki, "Volgoneft-239" tankeriniñ arqa qısmından 2,5 biñ tonna neft ile şingenlik çıqarıldı.

Qırım.Aqiqat bildirgenine köre, keçken sene dekabr 15-te Keriç boğazında, esas versiyağa köre, qasırğa sebebinden, eki "Volgoneft" tankeriniñ mazut ile qazası yüz berdi.

Tankerlerniñ qazası neticesinde neft mahsulatı töküldi. Rusiye kütleviy haber vastalarınıñ malümatına köre, "Volgoneft-212" 4300 tonna mazut taşıdı. Shot ve Baza, Volgoneft-239 gemisinde de aynı miqdarda neft mahsulatı olğanını iddia eteler.

Daa soñra Rusiye Deñiz qurtaruv hızmeti, dekabrniñ 15-nde Keriç boğazında tankerlerniñ qazağa oğraması neticesinde Qara deñizge 2,4 biñ tonna neft mahsulatı tökülgeni aqqanını bildirdi.

Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegramve İnstagram saifelerinden taqip etiñiz.

Bloklav ve tsenzurasız haberler! Qırım.Aqiqat qullanımını qurmaq içün iOS ve Android.

XS
SM
MD
LG