Onıñ aytqanına köre, bular İç işler nazirliginiñ, Ukrayina Fevqulâde vaziyetler devlet hızmetiniñ ve Rusiye tarafına keçmegen diger qurulışlarnıñ sabıq hadimleridir.
"Yaqında böyle bir qaç adam tutulğanını eşittik. Bazıları yarım yıldan berli, bazıları bir qaç aydan berli Aqmescitniñ 2-nci SİZO-nda buluna. İşğalcilerniñ cedvelinde olar aqqında iç bir malümat yoq", — dep bildirdi o.
Bariyevniñ qayd etkenine köre, Rusiye akimiyeti bu insanlardan qorqa, çünki olarda Qırımdaki partizan areketiniñ tarafdarlarını köreler, ya da bu yaqalanuvlar sebebinden insanlarnı qorquzmağa tırışalar.
QRM-niñ malümatına köre, yılnıñ başından Qırımda 91 qanunsız yaqalanuv qayd etildi, olardan 26-sı qırımtatarlarğa nisbeten.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
