İşğal etilgen Qırımda Ukrayinağa büyük istilâda iştirak etken Rusiye arbiyleri mekteplerde ders bermege ögrene, dep bildire yerli kütleviy haber vastaları.
Qayd etilgenine köre, ''SVO'' veteranları (Moskva Ukrayinağa qarşı cenkni böyle adlandıra) Kündelik yaşayış telükesizligi ve Arbiy azırlıq ocaları vazifelerini ala bile.
Oquv programması Rusiye Federatsiyasınıñ nezaretindeki diplomdan soñ pedagogik tasil Qırım cumhuriyet institutında keçirile.
"Oquvdan soñ olar mektepte, arbiy litseyde, kadet mektep-internatta, kollecde, balalarğa qoşma tasil müessiselerinde ve diger tasil müessiselerinde oqutuv ve terbiyelev esnasında iştirak ete bilecekler", - dep qayd etti müessise rektorı Aleksandr Rudyakov.
Bundan evel Qırımtatar Milliy Meclisiniñ reisi Refat Çubarov, Qırımnıñ bütün mekteplerinde rusiyeliler balalarnı arbiyleştireler, olarnı Rusiye arbiyleri içün maska ağlarını örmege mecbur eteler, dep bildirgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
