Qırımda Rusiye Federatsiyasınıñ Ukrayinağa istilâsı başlağanından berli eñ azından 880 Rusiye arbiyi defin etildi, dep haber ete Qırım Muhtar Cumhuriyetindeki Ukrayina prezidentiniñ Temsilciliginiñ matbuat hızmeti.
"Olardan 699-ı, ğaliba, Ukrayina vatandaşı edi. Mezarlarnıñ sayısı daa çoq ola bile, çünki çoqusı bellisiz qala", — dep añlattılar müessisede.
Ukrayina prezidentiniñ Temsilciligi ilhaq etilgen Qırımdan eñ azından 47 Rusiye arbiyi esir alınğanı tasdıqlanğanını ilâve etti, olarnıñ çoqusı, ğaliba, Ukrayina vatandaşıdır.
Rusiye Ukrayina ile cenkte ğayıp olğanlarını bildirmey. Jurnalistlerniñ malümatına köre, Rusiye ordusınıñ Ukrayinağa istilâsı başlağanından berli eñ azından 61 009 Rusiye askeri elâk oldı, şu cümleden 7 663 asker, 9 532 göñülli ve 12 238 mabüs.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://d3454ggyqnys2v.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
