Qırımnıñ Rusiye akimiyeti ukrayin tilini yarımadanıñ tasil sistemasından yoq ete, dep bildirdiler Ukrayina prezidentiniñ Qırım MC daimiy temsilciliginde.
"İşğal etilgen Qırımnıñ mekteplerinde ukrayin tili keçken yılları kibi fakultativ şekilde bile ögrenilmey", - dep yazıla bildirmede.
Ukrayin ve qırımtatar tilleri rus tili ile ile beraber Qırımda devlet tili olaraq ilân etilgenine baqmadan "olarnı yarımadanıñ tasil sistemasından yavaş-yavaş yoq eteler".
Evel haber vastalarında haber etilgeni kibi, 2022 senesi mart ayından başlap bugünge qadar eñ az 21 Qırım sakini ukrayin tilinde yırlarnı diñlegeni ya da yırlağanı, olarnı diñlep oynağanı içün mahkeme etilgen edi.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
