İşğal etilgen Qırımda ukrayin siyasiy mabüslerini ve esirlerini mudafaa etken advokat Aleksey Ladin yaqalandı. Bunı "Gratı" adliyeciniñ zenaatdaşlarına atıf etip bildire.
Haber etilgeni kibi, Ladin Rostov-na-Donudan qayta edi. Anda o Cenübiy bölgeniñ arbiy mahkemesinde mahkemelengen ukrayin arbiy esirleriniñ davaları boyunca mahkemelerde iştirak etken.
Advokat Aqmesditte yaqalanğan, bundan soñ evinde tintüv keçirilgen.
Adliyeci Lilâ Gemeciniñ sözlerine köre, Ladin içtimaiy ağlarda Rusiye orlusını itibardan tüşürgeninde qabaatlana eken. Yaqalavnıñ tafsilâtı daa yoq.
Ladin, "Hizb ut-Tahrir" teşkilâtına alâqası olğanında qabaatlanğan qırımtatarlarnıñ bir çoq mahkeme davasında iştirak etti. Büyük cenkniñ başlamasında soñ ukrayin arbiy esirlerini ve tutıp esir etilgen vatandaşlarnı imaye etti.
Al-azırda, o, Rusiye Melitopolde tutıp esir etken ukrayin göñüllisi Yaroslav Juknı imaye ete.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
