Ukrayin rejissörı, USQ arbiyi Oleg Sentsov Frenkistan fahriy legion nişanı ile mukâfatlandı.
Mukâfatnı ukrayina yazıcısı Oksana Zabujko da aldı. Nişannı olarğa iyülniñ 14-nde Sofiyivska kilsesinde Frenkistan elçisi Etyen de Ponsen berdi.
"Bu bizim umumiy mukâfatımız. Ukrayinanıñ qorçalağan er kesniñ mukâfatı", - dep yazdı Sentsov Facebook saifesinde.
Fahriy legion nişanı rıtsar nişanları nümünesi ile 1802 senesi teşkil etilgen Frenkistannıñ yüksek mukâfatı. O, prezident tarafından arbiy ya da grajdan yararlıq içün berile.
Kremlniñ sabıq siyasiy mabüsi emin ki, Ukrayina Rusiye ile cenkte ğalip çıqacaq ve «bunıñ içün neler feda etilgenini» köstermek içün bu video muracaatını yazdı, dep qayd etti.
Rusiye Federatsiyasınıñ büyük istilâsınıñ ilk künleri Sentsov Kıyivniñ territorial mudafaasına qoşuldı, soñra Lugansk ve Donetsk vilâyetleriniñ eñ sıcaq yönelişlerinde cenkleşti. Bıltır dekabr ayında Sentsovnıñ oğlu doğdı, adını Demyan qoyğanlar. Onı tek mart ayında kördi. Ukrayina rejissöri «Qırımğa Ukrayina bayrağını qaytarmaq» içün cenkleşe, dep tarif etken edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
