Qırımda ukrayin nomerleri olğan zahire ile tolu yük maşnalarını kördiler. Qırım.Aqiqat mühbiriniñ bildirgenine köre, avtomobiller Ukrayina qıtasından Rusiye işğal Qırımğa keteler.
Canköy-Aqmescit yolu ile zahire ösümlikleriniñ taşılması içün uyğunlaştırılğan yük maşnalardan qaterler areket ete. Er bir qaterde 5-10 maşna.
Yük maşnalarınıñ ekseriyetinde ukrayin nomerleri bar, keçken aftalarda böyle bir şey körünmedi. Qırım.Aqiqat mühbiri Ukrayinanıñ aşağıdaki vilâyetlerinden avtomobil nomerlerini kördi: VT – Herson, AR – Zaporijjâ, VE – Mıkolayiv, VN – Odesa, VA – Kirovograd, AE – Dnipro.
Ukrayin nomerleri ile yük maşnaları qaterini Rusiyeniñ Ukrayinağa qarşı işğaliniñ timsali olğan Z arfi ile işaretlengen rus arbiy yük maşnaları refaqat etti. Qırımdan çıqqan maşnalar yüksüz edi.
Beş saat içinde Qırım.Aqiqat mühbiri Aqmescitten Canköyge ketken ukrayin nomerleri ile 24 dört maşna saydı.
Mayısnıñ 21-ne olğan malümatqa köre, Ukrayina prezidenti Volodımır Zelenskıynıñ sözlerine köre, Rusiye Ukrayina limanlarında "yavaş-yavaş qursızlağan ve çıqarıp, satmağa tırışqan" 22 million tonna aşayt blok etken.
Dünya toplulığı Rusiyeni limanlarını açmağa ve ukrayin zahiresiniñ ihrac etilmesine yol bermege çağıra.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
