Ukrainanıñ BM daimiy vekili Serğiy Kıslıtsânıñ bildirgenine köre, Qırımda eali ukrain vesiqalarını yoq etsin dep, Ukraina pasportı olğan insanlarnı taqip eteler ve olarğa basqı yapalar.
Bu aqta o, Qırım.Aqiqatqa ayttı.
«Qırımda Ukraina pasportı olğan insanlarnıñ taqip etilüvi bir kerçektir. Bu pasportlarnı yoq etsinler dep, Ukraina pasportı olğan insanlarğa basqı yapıluvı da bir kerçektir. Amma Ukraina vatandaşlığı pasportnıñ olıp olmağanınen bağlı degildir. Ukraina vatandaşı olğan soñ pasport alasıñız. Şunıñ içün işğalciler ukrainlerni ya da qırımtatarlarnı Ukraina pasportlarını yırtmalarına mecbur etse de, olar kene de Ukraina vatandaşı olıp qala», – dep qayd etti Kıslıtsâ.
Aq qorçalayıcılarnıñ iyün ayında bildirgenine köre, Rusiye hızmetleri Qırım ve Herson vilâyetiniñ memuriy sıñırından keçkende Ukraina pasportını qullanğan qırımlılarğa para cezasını berip başladı.
İyül ayınıñ başında işğal altındaki Qırımnıñ Rusiye FSBsiniñ sıñır idaresi, yarımadada qayd olğan qırımlılarnı memuriy sıñırdan keçkende Ukraina pasportını qullanğanları içün cezalaycaqlar. Ukraina işğal etilgen Qırımda berilgen Rusiye pasportlarını qabul etmey ve olarnı köstergen şahıslarnı esas Ukrainağa almay.
