Qırımda 19 yaşında Osman Aciosmanovnı ve 23 yaşında Ayder Cemalâdinovnı ölü taptılar. Olarnı tuvğanları qıdırdı, dep haber ete «Liza Alert Krım» qıdıruv-qurtaruv otrâdı Facebookta haber ete.
Olarnıñ malümatına köre, Cemalâdinov 2021 senesi iyülniñ 26-nda evden qırmızı Nissan Almera maşinasınen çıqıp ketti, o vaqıttan berli bulunğan yeri belli degil edi. Avgustnıñ 5-nde cesedi tapıldı. Cemalâdinovnı Aqmescitte ve Bağçasarayda qıdırğanlar.
İyülniñ 2-nde Qarasuvbazar rayonınıñ Zub qasabasında ğayıp olğan Aciosmanov ise avgustnıñ 8-nde ölü tapıldı.
Daa evel berilgen malümatqa köre, Zuyada Rusiye polisi ve qıdıruv-qurtaruv otrâdları Aciosmanovnı eki kere qıdırmağa çıqqan edi.
«Crimean Tatars» leyhası bildirgenine köre, Aciosmanov ve Cemalâdinov asılğan alda tapıldı. Rusiye uquq qoruyıcıları qıdıruv neticeleri aqqında resmiy malümat bermey.
