Link açıqlığı

Saatnıñ esas haberi

Qırımda turistlerge yüzümliklerde "emek turları"nı teklif eteler


Qırım bağları, arhiv süreti
Qırım bağları, arhiv süreti

İlhaq etilgen Qırımda, yüzüm yığımı kampaniyasınıñ bir parçası olaraq, "emek turları"nı keçireler.

Bunı Qırım Turistik portalı bildirmekte.

Yüzüm cıymaqnı "Massandra" teşkilâtınıñ bağlarında teklif eteler.

"Yığım kampaniyası vaqtında biz, raatlıqnıñ bir çeşiti olaraq, turistlernen emek turlarını keçiremiz. Olarnıñ türlü şekilleri ola bile. Misal içün, yüzüm cıyması boyunca quest ya da teambuilding: müessise musafirleri onı cıya, soñra eze, tecribeli alıp barıcı olarğa başlıq yapa. Böyle turlarnıñ keçirilmesi içün eki bağ sayladıq - Qapsihorda (Morskoye) ve Aluştada. Yüzüm pişmesini bekleymiz, soñ ise musafirlerimizni davet etecekmiz", - dep aytıp berdiler müessisede.

Bundan ğayrı, böyle turlar populâr ola, dep qoştılar.

Amma mında, sanayı kölemde yüzüm cıymasını müessise bağcıları ve studentlerniñ yardımınen bereceler, dep qayd ettiler.

XS
SM
MD
LG