Qırımda topraq damartalarınıñ berüvine ve cumhuriyet mülkiyetiniñ saipleştirüvine moratoriy yarımadanıñ inkişafı boyunca Federal programmasınıñ çıquvına qadar küçüni coymaycaq. Bunı Aqmescitte brifing devamında öz başına tayinlengen Qırım Şurasınıñ «baş nazir birinci muavini» Rustam Temirgaliyev bildirdi. Bu aqta KİA haber etti.
Onıñ aytqanına köre, yaşav yerleriniñ abadanlaştırıluvı Qırım inkişafı programmasında olğan köntseptsiya çerçivesinde baqılacaqtır.
Samozahvatlarnıñ angileri resmiyleştirilecek, angilerini boşatmağa rica etecekler aprel 25 kününece qararlaştırılacaqtır. Temirgaliyevniñ aytqanı kibi, şu narazılıq meydanlarınıñ iştirakçilerine topraqnı diger yerlerde berecek olalar.
«Bugün insanlar yaşağan yerlerde, tabiiy ki, bir de bir boşatuv olmaycaq. Qırımtatarlar yaşağan yerlerni resmiyleştirecekler», – dep işandırdı o.
Topraqnıñ berüvine moratoriyni öz başına tayinlengen Qırım akimiyeti referendumdan soñ ilân etti.
Onıñ aytqanına köre, yaşav yerleriniñ abadanlaştırıluvı Qırım inkişafı programmasında olğan köntseptsiya çerçivesinde baqılacaqtır.
Samozahvatlarnıñ angileri resmiyleştirilecek, angilerini boşatmağa rica etecekler aprel 25 kününece qararlaştırılacaqtır. Temirgaliyevniñ aytqanı kibi, şu narazılıq meydanlarınıñ iştirakçilerine topraqnı diger yerlerde berecek olalar.
«Bugün insanlar yaşağan yerlerde, tabiiy ki, bir de bir boşatuv olmaycaq. Qırımtatarlar yaşağan yerlerni resmiyleştirecekler», – dep işandırdı o.
Topraqnıñ berüvine moratoriyni öz başına tayinlengen Qırım akimiyeti referendumdan soñ ilân etti.
