Aq qoruyıcı, qırımtatar milliy areketiniñ veteranı Abdureşit Cepparovnıñ evinde tintüvni Ekstremizm ile küreş merkeziniñ hadimleri keçirgen. Bunı Qırım.Aqiqat mühbiri haber etti.
Onıñ qayd etkenine köre, tintüvden soñ Cepparovnı Qarasuvbazar rayon polis bölügine alıp ketkenler.
"Cepparovnıñ olğan avtobus uzaqlaşmağa başlağanda evniñ yanında toplaşqanlardan biri avtobusnı urdı ve onı yaqalamağa tırıştılar. O olardan qurtuldı ve qaçıp başladı. E merkeziniñ ve Rusiye gvardiyasınıñ hadimleri onıñ artından çaptı ve olardan biri avağa ateş açıp başladı", - dep aytıp berdi mühbir.
Neticede eki adam yaqalanğan - Fevzi Yakubov ve Muhammed Ali Cepparov.
Cepparovnıñ apayınıñ sözlerine köre, tintüv vaqtında söz Bütütatar cemaat merkeziniñ idare eyyetiniñ azası Rafis Kaşapovnıñ Facebooktaki yazıları ve paylaşmaları aqqında edi.
Qırımda Rusiye quvetçileri qırımtatar milliy areketiniñ veteranı ve aq qorçalayıcı Abdureşit Cepparovğa tintüv keçirmege keldi. Bu aqta «Qırım birdemligi» cemaat birleşmesi haber etti.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: rukrymr.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
