"Telâş duyğusı pek qıyın meseledir. Rusiyede daima böyle duyğular bar. Çünki anda er kes tehdit etile demek mümkün. Böyle duyğulardan qurtulmaq içün olar anda kirecekmiz ve böyle böyle yapacaqmız deyler. Qırım telâş duyğusı daa da artacaq", - dep bildirdi o.
Onıñ sözlerine köre, bunıñ içün "Qırımda yüz bergenlerge ateşniñ tesiriniñ" şiddetini arttırmaq kerek.
"Tünevin de bugün de bu tesirniñ artqanını kördik. Bunı yapmaq içün yeterli qadar çaremiz bar. Qırım yavaş-yavaş Ukrayina tarafından ateş nezareti astına alına", - dep ayta o.
Onıñ qayd etkeni kibi, rusiyeliler bugünde Qırımda sirenalar altında, ücümler olacağını beklep yaşaylar. O, Qırım telükeli bir bölge olğanını ve olarnıñ ava boşluğı artıq pek yahşı qorulmağanını ayñlaylar, dey.
Onıñ sözlerine köre, Ukrayinanıñ strategik vazifeleri arasında Rusiye ordusını temin etken esasa yollarnı kesmektir.
2022 senesi avgust ayından başlap Qırım ve Aqyarda aman-aman er kün patlav sesleri eşitile. Rusiye akimiyeti bunı «Ukrayina uçucısızlarına» qarşı ateş ve «ava mudafaa sistemasınıñ işi» dep añlata. Qırımnıñ Rusiye yolbaşçısı Sergey Aksönov uçucısızlarnı yarımada içün «esas telüke» dep adlandırdı. 2022 senesi oktâbr ayında Qırım (Keriç) köpründe patlav oldı. Daa bir patlav 2023 senesi iyülniñ 17-nde oldı. Avgustnıñ 12-nde Rusiye akimiyeti Keriç köprüne yapılğan daa eki ücüm aqqında bildirdi. Yarımadada yüksek (sarı) terror telükesi seviyesi devam ete. Aqmescit ava limanı qapalı.
Roskomnadzor Qırım.Aqiqat saytını blok etti. Qırım.Aqiqatnı küzgü saytı vastasınen oqumaq mümkün: https://krymrcriywdcchs.azureedge.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
