Qırımnıñ Qarasuvbazar rayonındaki «Tavrida» yolunda eki yük maşinasınıñ qazası oldı, dep bildire Qırımdaki Rusiye Fevqulâde vaziyetler nazirliginiñ idaresi.
Qurtarıcılarnıñ malümatına köre, yol qazası neticesinde yaralanğan kişi maşinada blok etildi ve naqliyat vastasını terk etip olamadı.
Haber etilgenine köre, qurtarıcılar yaralanğan kişini açuv aletinen çıqardı ve «acele yardım» hadimlerine teslim etti. Zarar körgen kişi Qarasuvbazar merkeziy rayon hastahanesine alındı.
Martnıñ 10-nda «Tavrida» yolunda Zuya qasabası rayonında VAZ 2109 ve Mitsubishi Outlander maşinaları çatıştı, dep haber etilgen edi. Bir aydavcı can berdi.
Bundan evel Aqmescit civarında eki yengil maşina çatışqan edi. Yol qazası neticesinde KIA yengil maşinası endekke tüşti, Mitsubishi ise çevirilip, töpesi üstüne tüşti.
