Qırımnıñ Qaeasuvbazar rayonında üç maşna çatıştı, eki adam elâk oldı daa beşi yaralandı.
Rusiye FVN-niñ Qırım idaresi bildirgeni kibi, yol qazası, oktâbr 4 künü saba erte Kökey (Rusakovka) köyü yanında oldı.
"Krıminform" matbuatı, Renault Magnum maşnasının aydavcısı qarşı yolaqqa çıqıp, Chevrolet ve "Gazel" maşnalarınen çatıştı. Yaralanğanlarnı Qarasuvbazar merkeziy rayon hastahenesine alıp kettiler.
Matbuatqa köre, yol qazası neticesinde, "Gazel" alıp ketken mal-mahsulat yolğa töküldi. Adna olğan adamlar aytqanı kibi, asfaltta yüzlerce peçenye qutuları yata edi.
Sıq-sıq olğan qazalar içün, Qırımnıñ yañı "Tavrida" trassasına "ölüm yolu" deyler.
