Qırımnıñ bir qaç şeerinde yanvarniñ 6-sında suv olmaycağı aqqında haber ettiler. "Voda Krıma" müessisesi haber etkeni kibi, bu tamir işlerinen bağlı.
Böylece, Keriçte saat 9:00 başlap saat 17:00 qadar bu adresler boyunca suv olmaycaq: Kirova, Yeremenko, Gudobantseva soqaqları.
Kefede saat 9:00 başlap saat 17:00 qadar bu adresler boyunca suv olmaycaq: Sverdlova aralığı 2, 4, 6.
Bundan ğayrı, Yedi Quyu (Lenonskoye) rayonınıñ Arğın Töbeçik (Romanovo) köyünde Stepanaya soqağında suv olmaycaq.
Ukraina, Qırımnıñ içecek suv ihtiyaclarınıñ 85%-ni yarımadanen bağlağan Dnipro aqıntı yolu olğan Şimaliy-Qırım kanalı vastasınen teminlegen edi. 2014 senesi Rusiye Qırımnı işğal etken soñ yarımadağa suv berilmesi toqtatıldı.
