Sentâbrniñ 1-nden başlap işğal etilgen Qırımda talebelerge "başlanğıç arbiy azırlav" ögretilecek, dep bildirdi Rusiye Tasil ve ilim naziri Valentina Lavrik.
"Sentâbrniñ 1-nden dersten tış faaliyet sayesinde er bir mektepte "Başlanğıç arbiy azırlanuv" programmasını ömürge keçirmege planlaştıramız. Bunıñ içün OBJ odaları donatılacaq. Bu sene böyle başlaycaqmız, kelecek sene devamı olacaq", - dedi o.
Lavrikniñ sözlerine köre, mekteplerde talebelerniñ "vatanperver terbiyesi" ile oğraşacaq terbiyelev mesleatçısı vazifesi peyda olacaq eken. Kelecek seneden başlap ise Qırımnıñ Rusiye akimiyeti "Zarnitsa" ve "Pobeda" arbiy ve patriotik oyunlarını keçirecek ola.
Daa evel Rusiyede 11-nci sınıf talebeleri içün Ukrayinağa qarşı cenk aqqında ikâyet etken bölümden ibaret yañı derslik azırlanğanı aqqında haber etilgen edi.
Roskomnadzor Qırım.Aqiqat saytını blok etti. Qırım.Aqiqatnıküzgü saytı vastasınen oqumaq mümkün:https://d1ug5n8f9xpr1h.cloudfront.net. Esas adise-vaqialarnı Qırım.Aqiqatnıñ Telegram ve İnstagram saifelerinden taqip etiñiz.
